బాలీవుడ్ యాక్షన్ హీరో జాన్ అబ్రహామ్ ఎలాంటి పరిస్థితుల్లోనైనా సహనం కోల్పోడని అంటారు. భావోద్వేగాలు అదుపులో పెట్టుకుని విసిగించినా సహించుకుంటాడని చెప్తారు బీటౌన్ జనాలు. కానీ తాజాగా ఈ 'డిష్యూం' స్టార్ ఓ అభిమానిపై చేయి చేసుకున్నాడన్న వార్తలు గుప్పుమన్నాయి. గురువారం 'ఫోర్స్-2' ట్రైలర్ లాంచింగ్ ఈవెంట్ ముగిసిన జాన్ అక్కణ్ణుంచి కదిలాడు. ఎగ్జిట్ దగ్గరకు వచ్చేసరికి అభిమానులు ఒక్కసారిగా అతడి వద్దకు పరుగెత్తుకొచ్చారు. వారిని తప్పించుకుంటూ బయటకు వెళ్లపోతున్న జాన్ను ఓ అభిమాని హీరోగారి చెయ్యిపట్టి లాగి సెల్ఫీ తీసుకోబోయాడట. దీంతో ఒళ్లు మండిన జాన్ అతడిని చెంప దెబ్బ కొట్టడమే కాక ఈ సంఘటనను ప్రచురించవద్దని అక్కడున్న మీడియాకు వార్నింగ్ ఇచ్చి వెళ్లిపోయాడట. ఇంత కథ జరిగితే మీడియా ఎలాగూ ఊరుకోదు. నిన్నటి నుంచి ఇదే ఇష్యూపై పలు వార్తలు వెలువడ్డాయి. ఈ న్యూస్ను జాన్ తీవ్రంగా ఖండించాడు. జాన్ తరపు ప్రతినిథులు తెరపైకి వచ్చి తమ హీరో ఎవ్వరిపైనా చేయి చేసుకోలేదని వివరణ ఇచ్చారు. జాన్తో అనుచితంగా ప్రవర్తించిన ఫ్యాన్ ఇంటికి వచ్చి మరీ క్షమాపణలు కోరాడని అంటున్నారు
No comments:
Post a Comment